Ապրիլի 7-9-ը ԱՄԷ-ի մայրաքաղաք Աբու Դաբիում անցկացվող AIM Congress 2025-ին մասնակցեց «Կուբ Ինվեսթ» ներդրումային ընկերության պատվիրակությունը՝ գլխավոր տնօրեն Միքայել Մարգարյանի գլխավորությամբ։

Միջոցառումը, ինչպես գիտենք, համարվում է գլոբալ ներդրումային հարթակ, որը միավորում է տարբեր երկրների կառավարությունների, բիզնես աշխարհի և ֆինանսական հատվածի առաջնորդներին՝ նպատակ ունենալով խթանել ներդրումային հոսքերը և ձևավորել նոր գլոբալ համագործակցություններ։

Կոնգրեսի ընթացքում Միքայել Մարգարյանը մի շարք կարևոր հանդիպումներ է ունեցել, որոնցից առանձնահատուկ նշանակություն ունի Աբու Դաբիի ֆոնդային բորսայի (ADX) և Tabadul Hub-ի հետ անցկացված բանակցությունները։ 

Tabadul Hub-ը Մերձավոր Արևելքի տարածաշրջանում գործող առաջատար նախաձեռնություններից է, որն իր շուրջ է համախմբում տարածաշրջանի մի շարք ֆոնդային բորսաներ, այդ թվում՝ Օմանի, Բահրեյնի և Աբու Դաբիի բորսաները։ Այն նպաստում է տարածաշրջանային կապիտալ շուկաների ինտեգրմանը և ներդրողների համար բացում է լայն հնարավորություններ։

«Կուբ Ինվեսթ» ընկերության մասնակցությունը AIM Congress 2025-ին կարևոր քայլ էր միջազգային ներդրումային հարաբերությունների ամրապնդման և նոր գործընկերությունների ձևավորման ուղղությամբ։

Միջոցառման շրջանակում ունեցանք մի շարք ռազմավարական պայմանավորվածություններ, որոնց մանրամասներին կանդրադառնանք շուտով։

Այլ հոդվածներ

News Image

Cube Invest X Mantashyants Entrepreneurs Union

Սիրով սպասում ենք բոլոր մասնակիցներին՝ միասին նշելու այս կարևոր իրադարձությունները։

24.01.25

News Image

Cube Invest-ը FINTECH360 միջազգային համաժողովին

Cube Invest-ը, որպես ոլորտի նորարար առաջատար, ևս մեկ անգամ հաստատեց իր դիրքը՝ մասնակցելով FINTECH360 միջազգային համաժողովին։

30.04.25

Cookies settings

This website uses cookies to ensure you get the best experience on out website.